विश्वकप लिग-२ क्रिकेटअन्तर्गत आफ्नो तेस्रो खेलमा नेपालले नामिबियाविरुद्ध पहिला ब्याटिङ गर्ने भएको छ।कीर्तिपुर क्रिकेट मैदानमा नामिबियाले टस जितेर बलिङ रोजेको हो।
विश्वकप लिग-२ को जारी शृंखलामा टस जितेका टोलीले पहिला बलिङ रोजेका छन्। पहिला बलिङ गरेका टोलीले खेल जितेका छन्। नेपालले पहिलो खेलमा नामिबियासँग हार ब्यहोरेको थियो भने दोस्रो खेलमा नेदरल्यान्ड्सलाई पराजित गरेको थियो।
नेपालले आजको खेलमा एक परिवर्तन गरेको छ। आज गुल्शन झाको स्थानमा करण केसी खेल्ने भएका छन्। लिग २ अन्तर्गत नेपालले तेस्रो खेल खेल्न लागेको हो। पहिलो खेलमा नामिबियासँग ४ विकेटले पराजित भएको नेपालले दोस्रो खेलमा नेदरल्याण्ड्सलाई ९ विकेटले हराएको थियो।