नेपाल राष्ट्र बैंकले चालु आर्थिक वर्षको मौद्रिक नीतिको तेस्रो त्रैमासिक समीक्षा गरेकाे छ । शेयर धिताेकर्जाकाे जाेखिम भार १२५ प्रतिशतबाट घटाएर १०० प्रतिशत कायम गरियाे । गत वर्ष जेठ ४ गते नै माैद्रिक नीतिकाे तेस्राे त्रैमासिक समीक्षा गरेकाे थियाे । यसले अब सेयर बजारलाई फाइदा पुग्नेछ । कर्जा लिंदा जोखिमभार कम हुन जानेछ । बैंकहरु पनि सेयर धितो कर्जा प्रवाह गर्न उत्साहित हुनेछन् । मौद्रिक नीतिको तेस्रो त्रैमासिक समीक्षा सार्वजनिक गर्दै केन्द्रीय बैंकले यस्तो व्यवस्था गरेको हो ।
यसपाली गभर्नर नियुक्ति लगायतका कारणले ढिलाे हुन गएकाे राष्ट्र बैंककाे भनाइ छ ।
लगानीकर्ताले लामो समयदेखि जोखिमभार घटाएर १०० प्रतिशतमात्र कायम गर्न माग गरेका थिए । यसबाट विशेषगरी सेयर धितो राखेर ठूला कर्जा लिन सहज हुनेछ । यसअघि पनि नयाँ गभर्नर विश्वनाथ पौडेलको नियुक्तिसँगै सार्वजनिक मौद्रिक समीक्षाले यस्तो व्यवस्था गरेको छ । गभर्नर पौडेल सेयर बजारप्रति उदार रहेको संकेत पनि यसले गरेको छ ।
