सीएनएनले सार्वजनिक गरेको २६ मृत र २० जीवितको सूचीमा विपिनको नाम छैन

इजरायल र हमासबीच शान्ति सम्झौता भएसँगै गाजामा बन्धक रहेका नेपाली विद्यार्थी विपिन जोशी पनि रिहा हुने आशा जागेको छ।किनकि अमेरिकाको प्रस्तावअनुसार इजरायल र हमासबीच भएको सहमतिमा सबै बन्धक रिहा गर्ने कुरा पनि उल्लेख छ। तर अन्योलको कुरा- विपिनको वर्तमान अवस्था अहिलेसम्म थाहा हुन सकेको छैन। 

यसैबीच सीएनएनको पछिल्लो रिपोर्टमा विपिनको स्थिति ‘अज्ञात’ भनिएको छ।

सीएनएनका अनुसार इजरायली सरकारले ४८ बन्धकमध्ये २६ जनाको मृत्यु भइसकेको बताएको छ भने नेपाली नागरिक विपिन र इजरायली नागरिक तामिर निम्रोदीको स्थिति ‘अज्ञात’ भनेको छ। 

हर्नुहोस् सीएनएनले सार्वजनिक गरेको २६ मृत बन्धकको सूची:

यस्तै २० जीवितको सूचीमा पनि विपिनको नाम छैन। 

बुधबार राति मात्र विपिनको पुरानो भिडिओ सार्वजनिक गरिएको थियो।

त्यो भिडिओ उनी अपहरण भएको केही समयपछि खिचिएको थियो।

जसमा उनले आफू नेपालबाट कृषिको सिक्दै, कमाउँदै कार्यक्रमअन्तर्गत इजरायल आएको बताएका छन्। 

तर त्यो भिडिओ २ वर्ष पुरानो भएकाले उनको वर्तमान अवस्था अझै अस्पष्ट छ।